CYFleoedd

MANYLION

 

Dyddiadau’r prosiect (gall newid, ond yn anhebygol)

 

Ymarferion: 13eg - 17eg + 27ain - 31ain o Orfennaf (dydd Llun i ddydd Gwener)

Performiadau: 1af, 3ydd, 5ed + 7fed o Awst 2026

 

Lleoliad: Caerdydd (ymarfer), Llantood, Sir Benfro (perfformiadau)

 

Ffi: £1,950 (£650 x 3 wythnos)

Bydd costau teithio, llety a ffi ‘per diem’ yn cael ei ddarparu lle’n briodol.

Y SIOE: MARI HWYR!

 

Dewch i ddathlu cylch y flwyddyn! Dewch i rannu yn y defodau a’r arferion gwerinol sy’n dwyn pobl ynghyd ar droad y tymhorau. Mae Mari Hwyr! yn rhoi golwg newydd ar rhai o draddodiadau hynaf Cymru. Mae’r ddawns gyfoes egnïol hon yn cyd-blethu Calan Mai a Chalan Hen, hirddydd haf a’r gyhydnos, y Cadi Ha a’r Fari Lwyd, mewn perfformiad bywiog yn yr awyr agored. Yn ffrwydro llawn lliw a rhyfeddod, mae Mari Hwyr! yn ffrwyno ysbryd traddodiadau gwerinol Cymru wedi ei drwytho gan egni ffrenetig cerddoriaeth hyperpop, mewn symffoni syfrdanol o ddawns, syrcas â gwisgoedd gweledol. Mae Mari Hwyr! yn dathlu’r pŵer sydd gan fyd natur i ddod â phobol ynghyd i greu cymuned a diwylliant.

 

Wedi ei gomisiynu ar gyfer Gŵyl y Dyn Gwyrdd 2025 ac yn ddatblygiad o waith blaenorol Osian Meilir - Mari Ha! (2024) - comisiwn ar y cyd rhwng Menter Bro Morgannwg, Yr Eisteddfod Genedlaethol a Gŵyl y Dyn Gwyrdd.

Am fwy o wybodaeth / lluniau o’r gwaith yng Ngŵyl y Dyn Gwyrdd llynedd, dilynwch y ddolen ganlynol: https://cy.osianmeilir.com/about-3-5

DISGRIFIAD ROL:

 

Mi fyddwch yn gweithio gyda’r coreograffydd Osian Meilir i gyd-greu deunydd dawns a chamau clocsio er mwyn gweddu gyda’r ddawns a’r sgôr sain bresennol. Rôl y pedwar dawnsiwr traddodiadol fydd i fod yn bont rhwng y ddawns a’r gerddoriaeth drwy ychwanegu at y gwaith symud yn ogystal â chyfoethogi elfennau rhythmig y sgôr sain.

 

GOFYNION Y RÔL:

 

Angenrheidiol

• Argaeledd ar gyfer y dyddiadau uchod

• Brwdfrydedd a diddordeb yn y gwaith

• Profiad blaenorol o berfformio a chreu dawnsfeydd

• Clocsio o safon uchel a dealltwriaeth dda o ddawnsio traddodiadol

 

Delfrydol ond nid yn angenrheidiol

• Diddordeb mewn archwilio gwaith dawns a symud y tu hwnt i glocsio

• Profiad mewn ymarfer neu berfformio arddulliau amrywiol o ddawns

• Chwarae offeryn cerdd (rhestrwch y rhain yn eich cais)

Er mwyn ymgeisio anfonwch y canlynol at osianmeilir@gmail.com

 

• Fideo o’ch hun yn clocsio

• Unrhyw ddeunydd fideo ychwanegol ohonoch chi’n dawnsio mewn arddull arall neu’n chwarae offerynnau cerddorol (nid yw’n angenrheidiol)

• Mynegiad byr o ddiddordeb a datganiad yn rhannu sut ydych chi’n addas ar gyfer y rôl a pham mae’r prosiect o ddiddordeb i chi (uchafswm o oddeutu 300 gair neu fideo hyd at 2 funud o hyd).

 

Dyddiad cau: Dydd Gwener y 20fed o Chwefror 2026

 

Rydym yn annog ceisiadau gan unigolion o bob ystod oedran a chefndir amrywiol.

 

Mi fyddwn yn anelu i ddod 'nôl atoch chi erbyn y 27ain o Chwefror. Diolch, edrychwn ymlaen at dderbyn eich ceisiadau.